100 ஆண்டு கால மகத்தான கல்விச் சேவை!

“40 வருடம் பார்க்காத நண்பர்கள் பேச வைத்திருக்கிறது. இந்த நான்கு நாள் என் வயது 58 அல்ல - பதினொரு வயதில் இருந்து 17 வயதுக்குள் ஏதோ ஒரு வயதில் நான் உலவி கொண்டிருக்கிறேன்.”

— தமிழரசு

“VRS சார், BR சார், V.Gopal சார், KNS சார் - இவர்கள் எல்லாம் பள்ளிக்கு தூண்களாகவும் மாணவர்களுக்கு ஏணிகளாகவும் இருந்தவர்கள்.”

— D. Karthikeyan (1985-86)

“NCC மாஸ்டராக KNS அவர்கள் காக்கி உடையில் சூப்பர் ஸ்டார் ரஜினிகாந்த் போலவே தோற்றமளிப்பார் - நம் பள்ளியின் சூப்பர் ஸ்டார் அவர் தான்! NCC பயிற்சி முடிந்த பிறகு ஐயர் ஹோட்டலில் இருந்து வரும் சிற்றுண்டியின் மணம் - இப்போது நினைத்தாலும் நாக்கில் நீர் வருகிறது.”

— D. Karthikeyan (1985-86)

“அந்த காலத்தில் 3200 மாணவர்கள், 6 sections! திருவள்ளுவர் சிலை, பெரிய மணி - A.U. Sivaprakasam தலைமையில் சிறந்த பள்ளி!”

— Mohan (1965-72)

“ஆயிரம் கிளிகள் கிளைகளில் அமரும் ஆலமரம் ஆனது நூறு ஆண்டுகள் - இது நாம் வாழும் வரம். காவேரிப்பாக்கத்தின் மையம் நம் பள்ளி தான் - இதில் என்ன ஐயம்?”

— பாலசுப்பிரமணியன் (1985)

“எனது தந்தை வீ. கோபால் தமிழ் ஆசிரியர் மண்ணின் மைந்தர், காவேரிப்பாக்கத்திலேயே பிறந்து வளர்ந்து இதே பள்ளியில் ஆசிரியராக பல காலம் பணிபுரிந்து ஓய்வு பெற்றவர்!”

— கோ. ஸ்ரீனிவாச ராகவன் (1983-84)

“HM சிவப்பிரகாசம் எங்களுக்கு ஆங்கிலம் ஆசிரியர். அவர் பார்வை மிகவும் கூர்மையானது. ஒருநாள் ஷேக்ஸ்பியரின் 4 வரிகளை பலகையில் எழுதி "இதை மனப்பாடம் செய்" என்றார் — நேரடியாக ஆங்கிலத்திலேயே கற்பிப்பார், கிராமப்புற பள்ளிக்கு மிகவும் முற்போக்கான முறை!”

— Alumni (1969-70 SSLC batch)

“பள்ளி நாட்களில் குஜாலா குட்டி பெட்டியில் ஒரு பக்கம் பால்கோவா, மறுபக்கம் கமரகட் — ரோஜா பீஸ் பாக்ஸ்! ஒரு அணா கொடுத்தால் பால்கோவா, இரண்டு அணா கொடுத்தால் கமரகட் — அந்த சுவை இன்னும் நாக்கில் நிற்கிறது!”

— Alumni (WhatsApp Group)

“"புல்கோட்டி விளையாடாதே" என்று அப்பா அம்மா திட்டுவார்கள் — இப்போது நூற்றாண்டு விழாவில் கில்லி தாண்டா விளையாட கொண்டு வாருங்கள் என்று அழைக்கிறார்கள்! காலம் மாறிவிட்டது!”

— Alumni (WhatsApp Group 3)